| 驚訝，訝異，為你默哀．．．
再見，Michael Jackson
|
| |
| 終於完了！考試！
可是喔．．．心裡還是有一塊心頭大石
我．好．怕．唔．合．格．呀！！！！！！
中化應該尚算安全，但有一點點的不安定因素
不過還算不用太擔憂
ＵＥ．．．這個今次的確有點怕！
ＳＥＣＴＩＯＮ Ｃ．ＳＥＣＴＩＯＮ Ｅ
兩份都唔夠時間做，我做卷實在太慢了
一定要練練練練練，花大錢報左個安格靈
算是踏出了做好ＵＥ的第一步吧．．．
不過最驚最煩的還是ＳＥＣＴＩＯＮ Ａ
我真係好怕佢個ＬＩＳＴＥＮＩＮＧ
又快又難聽，ＤＲＯＰ ＮＯＴＥ勁難
加埋我最最最弱的串字
真係次次做親都唔樂觀
ＳＥＣＴＩＯＮ Ｂ作文就作親都好似拉牛上樹咁
一句，一句咁慢慢竇出黎
成日諗到Ｄ咩ＩＤＥＡ都唔識寫
有時甚時諗到要用咩字，但唔識串，真糟糕
話雖如此，但這兩科已經是我較能看的科目了
還要靠他拉平均分．．．
另外兩科ＡＬ，也是挺慘的
文學，作文不嬲唔算好，但有時撞到題目有ＩＤＥＡ都仲寫到野
課後問答呢就．．．我又寫得慢，又唔係對Ｄ課文瞭如指掌
答得慢之黎又答得短
加上Ｄ課外篇章，好難解呀～～～～！！！
今次文學考試兩份卷都真係好勉強，
徘徊於合格線附近，唔合格機會都挺高的．．．
心理，下學期明顯感覺難了，與上學期的感覺有了一點不同
不再是可以用輕鬆心情的去面對
真係要係咁對住ＮＯＴＥＳ溫
溫到好好好熟才行，仲要再練埋字
練到夠時間做，真係好難
唔知點解，我做親咩卷都好慢
由細細個小學開始已經係咁
一路到大都無變過，而且更慘的是我找不到原因，囧
我真係唔知自己點解會咁慢
不過兩科ＡＬ都唔係最慘烈的
最轟烈的一定是ＭＳ
炒到一塌糊塗
真的有後悔過自己點解選ＭＳ
明明計數一向都唔係勁
不過有一樣野我是知道的，
數學只要做多點就一定會好
唔似文學心理呢Ｄ，做多Ｄ都未必可以顯著見到好轉
但始終，我感覺自己還少了一點動力熱情和一個可以教我的人
從前有表哥幫我補習，幫我惡補數學
將我的谷底數學分拉回來
現在我感覺還欠了一個這樣的貴人相助
畢竟有人教真的比獨力鑽研輕鬆太太太多了
今次考試ＭＳ傷亡慘重，不合格是一定的了
最最最怕的是這科把原本其他剛剛好合格的分數拉低
平均分一但低過４０就．．．．
要補考的了
雖然常常半開玩笑的說等緊補考
但我可真是絕對絕對不想補考！
我超怕升不了班的
我情願讀多年中七也不要重讀中六！
－－－－－－－－－－－－－－－－－－－－－－－－－－－－
不過始終剛過了考試，就讓我先放低這些麻煩事情數天吧
暑假來了！
現在已經考慮了數項在暑期要做的事
補／溫習，游水
一個為學業，一個為腰骨
只這兩樣都已經夠我忙的了
物理治療師說治療完畢了，可做的都做了
再做也沒多大的意思，
但我的腰卻沒有明顯的好轉
他說現在要靠自己了
要堅持游水的習慣，隔天去，每次半個鍾至九個字就夠了
但要每星期抽這麼多時間，這習慣真的不容易培養．．．
再加上學業書本，科科都等着我去努力
我可預見到，若我真的都乖乖的把這些做好
這年會是我最”充實”的一個暑假了＝ ＝
|
| |
| 最近，無意下接觸到Ｘ－ＪＡＰＡＮ
真的很不錯，曾經被譽為天團的當真有強大的實力！
ＥＮＤＬＥＳＳ ＲＡＩＮ
紅
ＴＥＡＲＳ
暫時我只聽過這三首，均使我一聽再聽
那主唱高亢沙啞的聲音很特別，很有風格
唱得聲嘶力竭，真使我懷疑他是怎樣保護自己把聲的
很難得的，幾首歌都有好多英文，
我可以跟到唱到下兩句
現在是溫書溫都咁上下就聽一次的狀態ＸＤ
－－－－－－－－－－－－－－－－－－－－－－－－－－－－－－－－－－－－－
終於又到了考試的時間，
這次真的很緊張呢，怕不夠分，升唔到班
更可怕的是考完就代表中六要完了．．．
中七要來了，ＡＬ要來了，更大的壓力又要來了
好恐怖好恐怖，中六好似一晃眼就過了
是因為太開心的原故嗎？
中六真的是挺開心的一年
同學們都很親切，和藹可親ＸＤ
說回今天的考試，真的好像不太理想
文化篇章只有第二題講藝術的係知道點答
第三題美化地來說的話係分析資料評論，唔好聽係完全吹水
真係照吹．．．差唔多無用過書Ｄ野．．．
因為果陣真係唔知點解諗唔到野答，中化書的東西都想不起來
聆聽更麻煩，跟上兩次做的感覺很不一樣
這次有種很多，很亂的感覺
完全做不好，好多題都亂選．．．
唉，中化唔死得嫁！（照理是沒有一科可以死）
看來要再加把勁了
星期一 ＵＥ ＳＥＣＴＩＯＮ Ｅ
星期二 文學
衝呀，衝進文學的世界吧！
|
| |
| 救命．．．腰怎麼治也治不好．．．
呢個星期係咁落雨，勁折磨．．．
好
痛
呀
．
．
．
．
．
．
．
--------------------------------------------------------
小知識：
其實唔係老人家風濕所以腰痛喔
其實所有關節，神經線，筋腱組織對濕度是很敏感的
所以若果有拉傷，筋腱發炎，神經痛的話，落雨的情況下會感覺更糟的喔
|
| |
| 心頭常常被不同的事物纏繞，真不好受
一些從初中便跟隨我成長的老毛病們又再肆意肆虐
惱人得很，加上嚴重的五月病，日子可真不太好受
這算是一年中的低潮期了吧？
|
| |
